بلا شك عدد كبير منكم شاف هاد الفيديو اللي المدة ديالو 5 دقائق واللي فيه واحد المراة كتسلخ واحد الراجل، وواحدة أخرى كتصور وهو لا يحرك ساكنا...


قصص كثيرة خرجات، ولكن الحقيقة أن الفيديو فيه راجل كان متزوج بواحد السيدة (اللي كتصور)، وطلقها مدة هادي وعاود تزوج بالثانية (اللي كتسلخو), وبلا خبار الثانية رجع تصاحب مع مراتو وبقى لاعب عليهم بجوج...


من بعد حصلوه ودخلو للدار وتسناوه حتى دخل وسدو الباب وخباو سوارت، وبقى هو تما ودوروه وبدات مراتو اللي حاملة كتضرب فيه ومراتو السابقة كتصور...


هما صوروه حيث عارفين باللي بالتصوير ما يقدرش يضربها خوفا من القانون الفرنسي اللي الى مشى حتى ضربها غادي يواجه عقوبة سجنية كبيرة وخاصة إلى طاح ليها الولد حيث حاملة، ولذلك استغلو التصوير وبداو كيبردو فيه السم ديالهن بالعصا والسمطة وهو ما قدر يدير والو... 


فاش تسالا الفيلم مشاو حطو شكاية بالخيانة ومحاولة الاغتصاب داو داك الفيديو على أساس أنه دليل على هاد الشي، ولكن لسوء حظهن، الخبرة الطبية أكدت باللي ما كاين لا اغتصاب لا محاولة اغتصاب وباللي هداك احتجاز واعتداء جسدي، وحيث فرنسا ما فيهاش قانون يجرم الخيانة الزوجية فما داو عندو والو...


من جهة أخرى، هما مراتو اللي كتضرب فيه تحكم عليها ب5 سنوات سجنا، ومراتو السابقة تحكم عليها بعام ونصف، مع تعويض مادي قدره 15 مليون سنتيم غادي يخلصوها ليه مناصفة للضرر المادي والمعنوي اللي دارو ليه...


لمهم راه الفيديو داك العام، وهما راه بجوج في الحبس وهو راه شد ديك الفلوس كاين مع واحد السيدة ثالثة كيعيش معاها الحياة...